TN Zomi Thu tuamtuam

TN Zomi News tuamtuam,

TN Zomi te sung ah, Pastor nengneng tampi ihneih hang, inn lusik a, thungetsak a hong pai omnai lo ahihman in, KHA lam khantohna ding deihna tawh( Joshua Ministry) Tg. Piang Khan Vung leh Tg Cin Go Thang te in, minam veina leh Pasian itna tawh ki ton in, inn lusik in Pasian thupha puakding leh thunget sak kawikawi ding cih thu kiza hi.

Sya Michael te Innkuan zong Khuasung teng ah Pasian thupha puak ding cih zong kiza sawnsawn lai hi. Tua tawh ki ton in, Salom Nupi pawl zong Thungetsak in banpai lai ding cihthu kiza a hihman in TN mipi te lawp khol mahmah hi….

TN nupi pawl khat nau kem kawm in, food stamp meh ne ziahziah uh a,Tua kawm in Cell phone tawh ZYO – TN te thu nengneng leh batkhop ciangciang ZOGAM BBC news MIMAL news tuamtuam kikuppi in nei cih thu ki za….( Khangno lam pan….)

Zomi Innkuan USA Cup 2010 Columbus khua pi ah, akhatna Champion Cup pi la ding in, ZYO- TN khangno te, tukpeng kinak suih mahmah ta uh a, khangno pawl khat zanzong ihmu thei mel nawn lo cih thu kiza…

TN ZCF makai panmun len te in Columbus tukpeng suihding vai tawh kisai in,hong tungding 06/12 ( Sat ) PM 8:00 hun in, Pa Do Kham te inn pi ah, khangno te tawh kimuh khopnopna omding ci ahihman in, khangno hun ngah te apai thei khempeuh pai ding hoih kisa a, Khangno te milak ah maimawl loh nading leh picin theihna ding khuanu khuapa hihna muanhuai tak in hong lakkhia ding uh ahihman in khangnolam pan muanna leh lungdam na ki neikhol hi.. cih thu ki za….

TN ZCF makai te leh ZYO- TN makai te official tak in, maikha( July ) sung hunlem khat ah mailam Zomi te kalsuan zia ding kikupkhopna ki nei ding cih thu zong khangno makai lam pan ki za hi.

Lia, San Cing leh Lia Cing Nu te in, High School graduate man thei leh Tg Tuang in M.A ( Economics) tawh degree sang mahmah hongla zo ahihman in, ZYO-TN kipawlna pan, lungdampihna leh Pahtawina TN ZCF kikhop hun sung Pa Thawngno ( Muzic & Culture Department Director ) in hong piak sak cih thu kiza..

http://www.blogcatalog.com/blog/vaphual-zomi-news/4a896318c87607c3b360ce26ad3f42f7

Ih it mahmah Sya Khupsan te innkuan in Kansas City lam hong zuatsan cih thu kiza…..

A beisa hun sunteng Zomi TN te sung ah, guta lang mahmah cih thu kiza a, inn dai kaih siam mahmah ding thupi hi.. cih thu kiza in, Sya pi muanhaui khat bel..” ganhing dai kikaai thei a, mihing dai kikaai thei lo cih Zo paunak khat tawh na thuk kik” cih thu ki za…

Zomi te aki mu ngeilo honkhat kimu, aki it ngeilo honkhat ki it, kiteng, ki tawng, kikhen, kisam kik, ki it kik, ki ngai zel, ki pawl zel, ki gensia zel, kiphat zel… Leitung mihing hi ve hang maw….A hithei mah hi.. ahizong sihding ciang dong khat leh khat itna beisak kei ni cih thu ….

Zop lai ding…

Tg. Zogam Mungno