ZOMI USA CUP 2010 (Nashville,TN ) pan sapkikna

Dear,

Pianpih Zomi pih te aw,

Tennessee Zomi Christian Fellowship ( T – ZCF ) min tawh, hongtung ding November kha 25 ( Thanks Giving ) ni-in, ZOMI USA CUP 2010 akum nihna, nopcitak in kibawlding ahihman in,State tuamtuam a om Zomi kipawlna mintawh ahizong, Khua min tawh kipawlna pan ahizong in,a kua maciat nong kihel theihna ding uh leh Zomi ih hihna te ih lahkhiat theihciat nading kongzawn uh hi.

ZOMI USA CUP 2009 Champion agualzo ahi, Heitui Momno ( Tulsa ) te leh, ZOMI USA CUP 2009 Runner up agualzo ahi, Zomi Innkuan Kansas te in, ZOMI USA CUP pi te , nong puakna ding uh kong thum uh hi.

ZOMI USA CUP 2010 ah, Champion leh Runner Up a gualzo te in CUP pi atangsuak hiding a,kum kik ah athak in kibawl kik zel ding hi.

ZOMI USA CUP 2010 Thukhun dingte,Prize piak ding te leh Team Fee ding te, ZOMI USA CUP 2010 Sport Department te khensatna ombang in ahunzui in hong kizasak kikzel ding hi.

ZOMI USA CUP 2010 pawipi hongsiim akuama peuh An nek tuidawn ding lungkham omlo a,zin tun nading zong buai omlo ding hi. Zintun na innteek te hong piak puanza, zanpuan te na hawmthawh ngap uh leh nomau puan tek nongpuak dinguh a hihi.