Zomi Tennessee te tangthu

Dear TN Zomi tangthu,

Gammang tulak ka vak kawikawi leh alawmdang te tawh akipawl theingiatlo, mualcin guamcin teng apai kawikawi, atokzau kawikawi Gam UI khat tawh ka kimu a, bang semsem na hiam ka cih leh, hih gam a om ganhing akici khempeuh bang ci leng ka khutnuai ah koih ding ka hiam cih ka ngaihsutna atangtun na ding in a vak kawikawi hi ing hong ci hi…

Kenzong… Aw Nang Tua dan maw…. Ka cihsan a ka paisan hi.

Mualdawn Botung khat ka tun cing in,Neknek leh tuancil a suah ZangSial khaat khat ka mu leuleu a, Hi lawm Zangsial bang hang in, na annek te nek kawm leh tuancil thuah na hiam ci in ka dot leh,ka kim leh paam a om ankung khempeuh zong aneksak mang ding leh, atuancil sawm ka hih man in, kei a tawh akisin hi ing hong ci san ziau a, awlmawh neilo in, ama angsung ding bek a khual, ahuaiham, akiliansak, akiphasak khia mahmah,mipeuh mah aneu muhden ahilam ka thei pan hi.

Ken zong … Aw Nang tua dan maw…. Ka cihsan a ka paisan leuleu hi.

Tua mual pan tuaksuk in, zangkuam khat ka tung a,ahon 30 khawng pha NGAL pawl khat ka mu hi. Tua Ngal hon te lak ah tuk 6 khawng a phakhin ahapak bang ahiam sim ta khat ka hopih a,hih na omna zangkuam nuam nasa uh hiam ka cih leh,abeisa kum 3 lai in, ka pu in hong makai in, hiteng gamnuam mun hong tun hi. Ka pu in hong sihsan ahihman in, tu ken ka makaih zawh kum khat pha khin a, makai ka sepnop hang asuakthak leh khang thak te in ih sepnop dan hong tello ahihman in,hamsa mawk ei hong cici uh a, makai zong maikum ah ngah kik in kilam kei maw king.A zenzen in makai ka ngah kik kei leh hih ka ngal hon te khen 2 suah in ka paikhiat pih ding hong ci a, makai min khawng a deih mahmah ahih lam ka phawk san pan hi..

Ok ok okokok ci in, Nang tuadan maw ci in, ka pai san leuleu hi.

Tua zangkuam pi laizang lam manawh inkapaipai leh Bualpi khat ka mu a, Bualpi sung ah, Ngasa namkim sumkuang nam kim,Vasa nam kim te in nuamsa in, gamta ziahziah uh hi.

Ken zong tua Bualtui sung ah kidiah in, vasa nam kim, ngasa nam kim,Vatot nam kim leh tuisung ganhing Van aleng vasa namkim tawh kikhawl in nuam sa lua in ka om hi.Ka paina ding maban zong theinawn lo liang in kumthum bang tua baulpi sung ah ka ki diah a, nuamsa in ka laina sung pan, lam et lohpi Bualpi sung aom ganhing te nopsak na hong nawngkai sakding in, abeisa ka tuakkhak ganhing thum te tawh ka kimai tang tuak uh hi.

Hong nawgkai sak masa ahi, up mawh loh penpen in, Ngal honpi amakai tuk 6 khawng phakhin athahoih pian sim, amel hoih akimuang mahmah pen in, Bualsung ganhing te nopsak na teng haza in,Bualsung leh zangkuam teng ama ukna zaneihna nuai ah koih nuam ahihman in,alangpan pih ding Ngal no suakthak bangmah theilo pawl khat zawn in, pawl phuanthak in, Bualpi hong umcih uh hi.

Ahizong in, Tua bualpi ah kiit na tawh mapang khawm ahihman in, sawthetlo in, guallel in ciah kik uh hi.

Hong nawngkai sak kik leuleu ahi,nene leh siksik a thuah Zaangsial khaat zong akiliatsakna, aki hauhsakna, akiphatsakna, ama thubek thu hiding adeihna teng tawh Bualpi sung toknawi leh susia ding in hong kuan suk a, ahizong buanlak ah awk in, sumkuang te in petngawp ahihman in, sung lut zolo in, nungkik pah ving veng hi.

Hong Nawngkai sak nuam mahmah ahi, Ngalhon makai leh Zaangsial khaat tengeel kipawl in, lawm hong zongzong uh a, cikmah a mitawh akipawl ngeilo phat angai mahmah, mi gen khempeuh man maw manlo cih kancian masa lo a, a um pahpah Gam UI ( Fox) va muhpih uh hi.Gam Ui ahih leh nek ding cih bek ngaihsun hi. Ngal hon makai leh Zaangsial khaat te ngeel in, Gam Ui pen phatphat uh a, ko hih bualtui sung a ganding teng matkhiat zawhna ding hong si nung in, nang tua sung teng asak mual tung ah angaih thei penpen in, na hamham in .tua hi peuh leh hih ganhing te in hong lau in, tha nem ding uh hi ci in, Gam Ui Pibawl mahmah uh ahihman in, Gam ui zong takpisa in lungkim mahmah hi.

Sakmual pan Gam ui Hamham, sak leh khang Bualpi kim ah Zangsial khaat leh Ngal tuk (6 ) te in umcih in, simding akithawi lai tak, khuahun paizia hong ki khel in, huihpi hong nung vat a,Bualpi tui hong khang in, asimmang cip sawm Ngal tuk ( 6) , Zangsial Khaat leh Gam Ui nangawn bualsung ah ki bual kha zezen uh a,cimawh ta ahihman un, bualsung om ganhing te zak na ah kam khum theithei zang dep uh hi.

Huihpi hong bei in, bualtui lipi hong dai ta , Gam ui, Ngaal tuk ( 6 ) leh Zangsial khaatte in, kisuang pipi in, maizum mahmah kawm sa in, tukum ih zawh loh hang maikum ah hih bualpi susia veve ding ci in, bualpi pan pai khia uh hi.

Tua ganhing paktat 3 te thugen a za kha, bualpi sung a omom khin, bualpi zia leh tong athei khin sa a hi SUMKUANG mang khat in, lau ahihman in, Ganhing paktat te tawh kipawl ding ut pian a, pawl zawnzawn hi. A hizong in bualpi sung aom, ganhing khempeuh in, bualpi pen khe 4 nei ganhing te neihsa hilo in, Huihlak vasa te leh Tuisung ganhing te ading ahihman in,ko vai ko hawm nung, hong buaipih dah un,aki sap luat leh huhna hong gen zaw nung cihsan ziau in, Bualpi suang ah tumsan vingveng uh hi.( Pawl khat kuu Lut lai ei.. )